سکھر: برطانوی دور کی یادگار 120 سال پرانا تاریخی گھنٹا چوری

سکھر: برطانوی دور کی یادگار 120 سال پرانا تاریخی گھنٹا چوری ہو گیا۔

تفصیلات کے مطابق سکھر ميں 400 کلو وزنی، اصلی پیتل کا بنا، برطانوی راج کے دور کا نادر و نایاب گھنٹا کیسے چوری ہوگیا، انتظامیہ کے لیے سوالیہ نشان ہے۔

رپورٹس کے مطابق نایاب تاریخی گھنٹا میونسپل کارپوریشن سے برآمد ہوا تھا، اور اب اسے انتظامیہ کی غفلت کے باعث چرا لیا گیا ہے۔

پولیس حکام کا کہنا ہے کہ پیتل سے بنا چار سو کلو وزنی گھنٹے کی چوری کا مقدمہ درج کر لیا گیا ہے، پولیس رپورٹ میں کہا گیا ہے کہ یہ 120 سال پرانا ہے اور یہ عمارت کی کھدائی کے دوران ملا تھا۔

ذرائع کا کہنا ہے کہ برطانوی دور کے اس یادگار گھنٹے کی مرمت کر کے اصلی حالت میں لایا گیا تھا، تاہم میونسپل کارپوریشن کے اندر تعمیراتی کام کے باعث اسے دفتر کے احاطے میں رکھ دیا گیا تھا۔

نہایت قیمتی اور تاریخی حیثیت کے حامل گھنٹے کو دفتر کے احاطے میں بے احتیاطی اور لاپروائی سے رکھنے جانے کا نتیجہ یہ نکلا کہ چوری ہو گیا۔

پولیس نے نامعلوم افراد کے خلاف مقدمہ درج کر کے تفتیش شروع کر دی ہے۔

The post سکھر: برطانوی دور کی یادگار 120 سال پرانا تاریخی گھنٹا چوری appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3a6PzVS