دل دہلا دینے والا واقعہ : بیٹی کے باپ کی دنیا اجڑ گئی

حیدرآباد : بھارت میں معمولی باتوں پر نوعمر لڑکے لڑکیوں کی خودکشیوں کے واقعات میں اضافہ ہورہا ہے۔ والد کی ڈانٹ سے دلبرداشتہ لڑکی پھندے پر جھول گئی۔

تفصیلات کے مطابق بھارتی ریاست تلنگانہ کے دارالحکومت حیدرآباد میں گزشتہ رات افسوناک واقعہ پیش آیا جسے دیکھنے والے حیرت اور افسوس کرتے رہے۔

حیدرآباد کے مئیر پیٹ پولیس اسٹیشن حدود میں سرو ودیانگر میں واقع ایک گھر میں رات دیر گئے ایک دسویں جماعت کی طالبہ فون پر گیم کھیلنے میں مصروف تھی جس پر لڑکی کے والد نے اعتراض کرتے ہوئے موبائل فون پر گیم کھیلنے سے منع کردیا۔

اس معمولی سی بات پر مایوس ہوکر مذکورہ لڑکی نے پیر کی صبح گھر میں پھانسی لے کر خودکشی کرلی۔ اطلاع ملنے پر پولیس موقع پر پہنچی اور مقدمہ درج کے کارروائی کا آغاز کردیا۔

The post دل دہلا دینے والا واقعہ : بیٹی کے باپ کی دنیا اجڑ گئی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3FvrW7I