حب میں گاڑی پر کریکر حملہ، مقامی صحافی جاں بحق

حب: بلوچستان کے صنعتی شہر حب میں گاڑی پر کریکر حملے کے نتیجے میں مقامی صحافی جاں بحق ہوگیا۔

اے آر وائی نیوز کے مطابق حب میں نامعلوم افراد نے گاڑی پر کریکر سے حملہ کیا جس کے نتیجے میں 2 افراد زخمی ہوئے، زخمی مقامی صحافی دوران علاج دم توڑ گیا۔

پولیس کا کہنا ہے کہ نامعلوم افراد نے گاڑی پر کریکر پھینکا اور فرار ہوگئے، جاں بحق ہونے والے مقامی صحافی کی شناخت شاہد زہری کے نام سے ہوئی ہے۔

پولیس کا کہنا ہے کہ جائے وقوعہ کو گھیرے میں لے لیا گیا ہے، شواہد اکٹھے کرکے تحقیقات شروع کردی گئی ہیں۔

ہوشاب میں دھماکا، 2 بچے جاں بحق

ادھر بلوچستان کے ضلع تربت کے علاقے ہوشاب میں بم دھماکے میں دو بچے جاں بحق ہوگئے۔

لیویز حکام کے مطابق ہوشاب میں بچے گھر کے باہر کھیل رہے تھے کہ اچانک زور دار دھماکا ہوا جس کے نتیجے میں تین بچے زخمی ہوگئے۔

حکام کا کہنا ہے کہ زخمی بچوں کو اسپتال منتقل کیا جارہا تھا کہ راستے میں دو بچے دم توڑ گئے۔

حکام کا کہنا ہے کہ واقعے کے بعد لیویز اور دیگر قانون نافذ کرنے والے اداروں نے علاقے کو گھیرے میں لے کر واقعے کی تحقیقات شروع کردی ہیں۔

The post حب میں گاڑی پر کریکر حملہ، مقامی صحافی جاں بحق appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3iO32Xu