سعودی عرب : فضائی مسافروں کو اس ہدایت پر عمل کرنا لازمی قرار

ریاض : سعودی عرب میں فضائی سفر کرنے والے تمام مسافروں کو سول ایوی ایشن کی جانب سے اہم ہدایات جاری کی گئی ہیں جس پر عمل درآمد کے بغیر مسافروں کو پریشانی کا سامنا کرنا پڑ سکتا ہے۔

سعودی عرب میں سول ایوی ایشن کے تمام فضائی کمپنیوں کو ہدایت کی ہے کہ اندرون مملکت سفر کے لیے اتوار سے ویکسین کی دو خوراکیں لازمی قرار دے دی گئی ہیں لہٰذا اس پر عمل درآمد لازمی کرایا جائے۔

سعودی ذرائع ابلاغ کے مطابق سول ایوی ایشن کی جانب سے ایئر لائنز کو جاری سرکلر میں کہا گیا ہے کہ اندرون مملکت سفر کرنے والوں کے لیے دس اکتوبر2021 سے ویکسی نیشن کی دونوں خوراکوں کا نظام فعال ہوجائے گا۔

مسافروں کے لیے لازمی ہے کہ وہ بورڈنگ پاس حاصل کرنے سے قبل ویکسینیشن کے بارے میں اپنا اسٹیٹس واضح کریں۔

واضح رہے وزارت داخلہ کی جانب سے احکامات جاری کیے گئے تھے کہ دس اکتوبر سے وہ افراد جنہوں ویکسین کی دونوں خوراکیں نہیں لی ہوں گی انہیں سرکاری و نجی دفاتر، تعلیمی اداروں میں داخل نہیں ہونے دیا جائے گا۔

علاوہ ازیں ویکسینیشن کا کورس مکمل نہ کرنے والوں کو عوامی ٹرانسپورٹ اور فضائی سروس استعمال کرنے کی بھی اجازت نہیں ہوگی۔

The post سعودی عرب : فضائی مسافروں کو اس ہدایت پر عمل کرنا لازمی قرار appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2YyikIV