پاکستان کی جانب سے امدادی سامان کی ایک اور کھیپ افغان حکام کے حوالے

اسلام آباد : پاکستان نے جنگ زدہ ملک افغانستان کو انسانی بحران سے بچانے کی کوششوں کے پیش نظر امدادی سامان سے لدے مزید تین ٹرک افغان حکام کے حوالے کر دیے۔

تفصیلات کے مطابق پاک افغان فورم کی جانب سے امدادی کھیپ افغانستان روانہ کردی گئی، پاک افغان کارپوریشن فورم اور سیو دی چلڈرن کی جانب سے اٹھائیس ٹن امداد سے بھرے ٹرک طورخم بارڈر سے افغانستان روانہ کئے گئے۔

ایڈیشنل کمشنر لنڈی کوتل اشرف الدین نے طورخم کراسنگ پر امدادی سامان افغان حکام کے حوالے کی۔

On 30-Oct-2021, 3 trucks carrying 28 tons of humanitarian aid from Pak-Afghan Cooperation Forum and Save the Children were handed over by Ashraf ud din, Addl Assistant Commissioner Landi Kotal to Molvi Usman, Deputy Commissioner Afghanistan at Torkham Crossing point. pic.twitter.com/0sP1VPjxNr

— Pak-Afghan Cooperation Forum (@PakAfgh63303188) October 30, 2021

SOT

قبل ازیں کابل میں پاکستان کے سفیر منصور احمد خان نے عبوری افغان وزیر خارجہ امیر خان متقی سے ملاقات کی تھی ، جس میں انسانی ہمدردی کے شعبے، تجارت اور لوگوں کی نقل و حرکت سمیت دو طرفہ روابط کو مضبوط بنانے پر تبادلہ خیال کیا گیا۔

یاد رہے 17 اکتوبر کو پاکستان نے امدادی سامان کے 16 ٹرک افغانستان روانہ کیے تھے، امدادی سامان افغان وزیر برائے مہاجرین حاجی خلیل الرحمان حقانی اور نائب وزیر برائے آئی ڈی پیز کے حوالے کیا گیا۔

اس کھیپ میں کھانے پینے کی اشیاء اور کمبل شامل تھے تاکہ متاثرہ افراد میں ان کی تقسیم کی جا سکے۔

اس سے قبل گزشتہ ماہ بھی پاکستان نے 345 ٹن امدادی سامان لے کر 13 ٹرک بھیجے تھے جن میں خوراک اور ادویات شامل تھیں۔

The post پاکستان کی جانب سے امدادی سامان کی ایک اور کھیپ افغان حکام کے حوالے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3GEYAoc