پاکستانی عوام کے پیار اور محبت کو الفاظ میں بیان نہیں کیا جاسکتا، امام کعبہ

ریاض: امام کعبہ شیخ ڈاکٹر ماہر المعیقلی نے کہا ہے کہ پاکستانی عوام کے پیار اور محبت کو الفاظ میں بیان نہیں کیا جاسکتا۔

عرب میڈیا رپورٹ کے مطابق گورنرپنجاب چوہدری سرورکی امام کعبہ شیخ ڈاکٹرماہرالمعیقلی سے مکہ میں ملاقات ہوئی، جس میں پاک سعودی تعلقات سمیت دیگرامورپربات چیت کی گئی۔

امام کعبہ نے کہا کہ پاکستان ،سعودی عرب ایک دوسرے سےدور نہیں رہ سکتے، دونوں ممالک کے دل ایک ساتھ دھڑکتےہیں، سعودی عرب تمام مسلمانوں کی محبت کا محور ہے۔

انہوں نے دعا کی کہ اللہ تعالیٰ پاکستان کی حفاظت فرمائے۔ امام کعبہ کا کہنا تھا کہ پاکستانی عوام کے پیار اور محبت کو الفاظ میں بیان نہیں کیا جاسکتا، ہم پاکستان کیساتھ کھڑے ہیں۔

It was an honour to meet Imam Masjid Al-Haram Sheikh (Dr) Maher al Muaiqly. #SaudiArabia has always been a great friend of #Pakistan esp during difficult & challenging times. I am thankful to the Imam for his prayers for the integrity & prosperity of people of Pakistan. #Makkah pic.twitter.com/Tli1bbVC3r

— Mohammad Sarwar (@ChMSarwar) October 10, 2021

اس موقع پر گورنر پنجاب چوہدری محمد سرور نے کہا کہ پاکستان اورسعودی عرب کے گہرےدوستانہ تعلقات ہیں، سعودی عرب کے ساتھ برادرانہ تعلقات پرپاکستانی قوم فخرکرتی ہے، وقت کے ساتھ دونوں ممالک کے تعلقات مزید مضبوط ہورہے ہیں، پاکستان سعودی عرب مشکل میں ہمیشہ ایک ساتھ کھڑے ہوتے ہیں۔

The post پاکستانی عوام کے پیار اور محبت کو الفاظ میں بیان نہیں کیا جاسکتا، امام کعبہ appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/2X0qXLF