بائیڈن کی بڑی فتح: امریکی نمائندگان نے 1.2ٹریلین ڈالر پیکج منظور کرلیا

واشنگٹن: امریکی ایوان نمائندگان نے 1.2 ٹریلین ڈالر کا انفراسٹرکچربل منظور کرلیا.

تفصیلات کے مطابق ڈیموکریٹ پارٹی کے ماڈریٹ اور پروگریسو دھڑوں میں اتفاق کے باعث امریکی ایوان نمائندگان نے ایک اعشاریہ دوٹریلین ڈالر کا انفراسٹرکچر بل منظور کرلیا ہے۔

امریکی ایوان نمائندگان میں بل کی حمایت میں 228 وووٹ جبکہ 206 اراکین نے بل کی مخالفت کی، بل کو اب قانونی حیثیٹ دینے کے لیے صدر جوبائیڈن کے دستخط کے لیے بھیجا جائے گا۔

اسپیکر نینسی پلوسی کا کہنا تھا کہ بل میں بنیادی ڈھانچے کی قانون سازی ،ہائی ویز، سڑکوں اور پلوں کو اپ گریڈ کرنے اور شہر کے ٹرانزٹ سسٹم اور مسافر ریل نیٹ ورکس کو جدید بنانے کے لیے براہ راست وفاقی اخراجات میں550 بلین ڈالر رکھنے کی تجویز پیش کی گئی ہے۔

یہ بھی پڑھیں: ڈنمارک نے روسی بحری جہاز روک لیا

تین ماہ قبل سینیٹ میں بل کی منظوری کے لیے19 ری پبلکن نے ڈیموکریٹس کا ساتھ دیا تھا، جس کے بعد ایوان نمائندگان میں بھی 13 ری پبلکنز کی حمایت کے ساتھ بل کو منظور کرالیا۔

اس سے قبل سینیٹ سے بل کی منظوری کے وقت صدر بائیڈن نے کہا تھا کہ تعمیراتی منصوبے پر عمل درآمد سے فوری طور پر روزگار کے 20 لاکھ سے زائد مواقع پیدا ہوں گے۔

The post بائیڈن کی بڑی فتح: امریکی نمائندگان نے 1.2ٹریلین ڈالر پیکج منظور کرلیا appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2Ylf6bA