15 لاکھ دینے کے باوجود گاڑی ڈیلیور نہیں ہوئی: شہری عدالت پہنچ گیا

کراچی: صوبہ سندھ کے دارالحکومت کراچی میں پیسے دیے جانے کے باوجود گاڑی فراہم نہ کرنے پر ایک شہری عدالت پہنچ گیا، عدالت نے فریقین کو نوٹس جاری کردیے۔

تفصیلات کے مطابق کراچی کے علاقے کورنگی میں مقامی شہری گاڑی ڈیلیور نہ کرنے پر کمپنی کے خلاف کنزیومر کورٹ پہنچ گیا۔

شہری نے اپنی درخواست میں کہا ہے کہ کمپنی نے گاڑی جولائی کے مہینے میں دینی تھی اب تک نہیں دی گئی، فروری میں گاڑی کی بکنگ کے وقت 15 لاکھ روپے جمع کروائے تھے۔

شہری کا کہنا ہے کہ کمپنی کو شکایت بھی کی گئی لیکن تسلی بخش جواب نہیں دیا گیا۔

شہری نے درخواست کی ہے کہ اسے کمپنی سے گاڑی دلوائی جائے۔

کنزیومر کورٹ نے شہری کی درخواست پر فریقین کو نوٹس جاری کردیے اور انہیں طلب کرتے ہوئے کیس کی سماعت 18 نومبر تک ملتوی کردی۔

The post 15 لاکھ دینے کے باوجود گاڑی ڈیلیور نہیں ہوئی: شہری عدالت پہنچ گیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3wGeCJM