پشاور: ٹارگٹڈ آپریشن کے دوران فائرنگ، 2 پولیس اہلکار شہید

پشاور: اشتہاری ملزم کی گرفتاری کیلئے کئے گئے ٹارگٹڈ آپریشن کے دوران 2 پولیس اہلکار شہید ہوگئے ہیں۔

پولیس ذرائع کے مطابق حیات آباد میں اشتہاری ملزم کی گرفتاری کیلئےرات گئے ٹارگٹڈ آپریشن کیا گیا، کارروائی خفیہ اطلاعات پر مطلوب اشتہاری کی مکان میں موجودگی کی اطلاع پر کی گئی۔

پولیس کے مطابق کارروائی کے دوران مشتبہ مکان سے پولیس پارٹی پر فائرنگ کی گئی جس کے نتیجے میں دو پولیس اہلکار شہید ہوگئے، واقعے کے بعد پولیس نے مکان سے دو مشتبہ ملزمان کو گرفتار کرلیا ہے جبکہ دو ملزمان فرار ہونے میں کامیاب ہوگئے۔

شہید اہلکاروں کے جسد خاکی کو قریبی اسپتال منتقل کردیا گیا ہے،شہید اہلکاروں میں اےایس آئی ریاض خان اور کانسٹیبل جعفر شامل ہے ۔

پولیس حکام کا کہنا ہے کہ فرار ملزمان کی گرفتاری کے لئے ٹیمیں تشکیل دی جاچکی ہیں اور مختلف مقامات پر چھاپوں کا سلسلہ جاری ہے۔

The post پشاور: ٹارگٹڈ آپریشن کے دوران فائرنگ، 2 پولیس اہلکار شہید appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3xqbTVq