پنجاب کی 30 فیصد آبادی کو مکمل ویکسین لگ چکی ہے: یاسمین راشد

لاہور: صوبہ پنجاب کی وزیر صحت ڈاکٹر یاسمین راشد کا کہنا ہے کہ پنجاب کی 63 فیصد آبادی کو 1 اور 30 فیصد آبادی کو کرونا ویکسین کی دونوں ڈوزز لگ چکی ہیں، کوشش ہے دسمبر تک 70 فیصد آبادی کو کرونا ویکسین لگا دیں۔

تفصیلات کے مطابق صوبائی وزیر صحت یاسمین راشد کا کہنا ہے کہ 37 ہزار میں سے 70 فیصد بچے 12 سال سے زائد عمر ہیں، 28 سے 30 ہزار بچوں کو کرونا وائرس ویکسین لگا دیں گے۔

یاسمین راشد کا کہنا تھا کہ جب تک سب ویکسی نیٹ نہیں ہوں گے اس موذی مرض سے بچنا مشکل ہے۔ پنجاب کی 63 فیصد آبادی کو 1 اور 30 فیصد آبادی کو دونوں ڈوزز لگ چکی ہیں۔

انہوں نے کہا کہ کوشش ہے دسمبر تک 70 فیصد آبادی کو کرونا ویکسین لگا دیں، وبا کے دوران اسکولوں کی بندش سے نقصان ہوا، اب تمام اسکول کھل گئے رونق لگ گئی ہے۔

صوبائی وزیر صحت کا مزید کہنا تھا کہ ابھی کرونا وائرس گیا نہیں کچھ وقت اور لگے گا ماسک کا استعمال کریں۔

The post پنجاب کی 30 فیصد آبادی کو مکمل ویکسین لگ چکی ہے: یاسمین راشد appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/30d9dht