سعودی عرب: پابندی ختم، حکومت نے اجازت دے دی

ریاض: سعودی حکومت نے شادی ہالز میں سماجی فاصلے کی پابندی ختم کی اور تقریبات کے لیے ہالز کو پوری گنجائش کے ساتھ استعمال کرنے کی بھی اجازت دے دی۔

عرب میڈیا کی رپورٹ کے مطابق ریاض میونسپلٹی نے شادی ہالز اور تقریبات کے لیے کورونا سے متعلق نئے ایس او پیز جاری کیے ہیں جن کے تحت ہالز کے شرکا کو سماجی فاصلے کی پابندی نہیں کرنا پڑے گی۔

البتہ شادی ہالز سے متعلق نئے پروٹوکول میں یہ پابندی لگائی ہے کہ تمام شرکا ویکسین کی دونوں خوراکیں لیں اور توکلنا بارکوڈ استعمال کریں، ہالز ملازمین کی بھی مکمل ویکسینیشن لازمی ہے۔

لوگوں کو ماسک کی پابندی کرنا ہوگی۔ کارکن خواتین کو وقفے وقفے سے ہاتھ دھوتے رہنے اور نجی سامان کی الماریوں کی سینیٹائزنگ کا اہتمام کرنے کی ہدایت کی گئی ہے۔

سعودی وزارت صحت کے متعلقہ ادارے (وقایہ) کی جانب سے جاری کردہ گائیڈ لائن کے مطابق شادی ہالز میں سینیٹائزر نمایاں مقامات پر رکھے جائیں اور ٹوائلٹ کی صفائی کا مسلسل اہتمام کیا جائے۔

اسی طرح بیرے، مہمانوں کو سروس فراہم کرتے وقت ماسک اور دستانے استعمال کریں، ڈسپوزیبل اشیا استعمال کی جائیں، کوئی بھی شخص بیمار معلوم ہو تو اسے فوری الگ کرنا ہوگا۔

The post سعودی عرب: پابندی ختم، حکومت نے اجازت دے دی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3mWBMIH