ناظم جوکھیوقتل کیس میں نامزد ایم این اے جام عبدالکریم نے عبوری ضمانت کرالی

کوئٹہ : ناظم جوکھیوقتل کیس میں نامزد کراچی کے ایم این اے جام عبدالکریم نے بلوچستان ہائیکورٹ سے عبوری ضمانت کرالی۔

تفصیلات کے مطابق بلوچستان ہائی کورٹ میں ناظم جوکھیوقتل کیس میں نامزد ملزم ایم این اے جام عبدالکریم کی عبوری ضمانت کی درخواست پر سماعت ہوئی، چیف جسٹس نعیم اخترافغان نے درخواست پر سماعت کی۔

چیف جسٹس نعیم اخترافغان کی عدالت نےجام عبدالکریم کی پندرہ دن کی عبوری ضمانت منظورکرتے ہوئے ملزم کو کراچی کی عدالت میں پیش ہونے کا حکم دیا۔

خیال رہے رکن قومی اسمبلی جام عبدالکریم،ناظم جوکھیوقتل کیس میں نامزدہیں جبکہ رکن قومی اسمبلی کے چھوٹے بھائی ایم پی اے جام اویس سمیت چھے ملزمان سولہ نومبر تک پولیس ریمانڈ پرہیں۔

پولیس کا کہنا ہے ویڈیومیں نظر آنے والی گاڑی کا ریکارڈ ایکسائز سے نہیں ملا، کسٹمز حکام سے معلومات لی جا رہی ہیں۔

The post ناظم جوکھیوقتل کیس میں نامزد ایم این اے جام عبدالکریم نے عبوری ضمانت کرالی appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/30r81XX