لاہور: معروف ڈھولچی پپوسائیں انتقال کرگئے

لاہور: پنجاب کے معروف ڈھولچی پپوسائیں انتقال کر گئے۔

تفصیلات کے مطابق ذوالفقار علی المعروف پپو سائیں ایک ماہ سے پاکستان کڈنی اینڈلیورانسٹیٹیوٹ میں زیرعلاج تھے۔

ڈاکٹرز کے مطابق پپو سائیں کا جگر اسی فیصد خراب ہوچکا تھا جس کے باعث پپو سائیں کے پیٹ میں پانی بھرگیا تھا۔

پپوسائیں کے اہل خانہ کے مطابق رات گئے طبیعت ناسازی کے باعث پپو سائیں کو آکسیجن پر شفٹ کیا گیا تھا تاہم آج علی الصبح وہ خالق حقیقی سے جاملے۔

پپو سائیں نے دنیا بھر میں اپنی صلاحیتوں کا مظاہرہ کیا ہے،ان کے بے شمار شاگرد ہیں جنہوں نے ان سے ڈھول بجانا سیکھا، ان کی وفات کی خبر سن کے ان کے چاہنے والے غم میں ڈوب گئے ہیں۔

The post لاہور: معروف ڈھولچی پپوسائیں انتقال کرگئے appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3CSzrnz