بھارت میں خوف ناک ٹریفک حادثہ (بچے ویڈیو نہ دیکھیں)

نئی دہلی: بھارتی ریاست جودھپور میں دل دہلا دینے والا واقعہ پیش آیا ہے، جہاں تیز رفتار قیمتی گاڑی (آڈی) نے سڑک پر چلنے والے متعدد افراد کو کچل ڈالا۔

بھارتی میڈیا کے مطابق دلخراش واقعہ جودھپور کے علاقے ایمس روڈ پر اس وقت پیش آیا جب ایک تیز رفتار آڈی نے سڑک پر چلنے والے کئی افراد کو روند ڈالا۔

دل خراش واقعے کی ویڈیو میں دیکھا جاسکتا ہے کہ آڈی تیز رفتاری کے باعث متعدد افراد کو کچل کر جھونپڑیوں میں جا گھسی، حادثے میں ایک شخص ہلاک جبکہ 9 افراد زخمی ہوئے۔

واقعے کے بعد ڈرائیور کو حراست میں لے لیا گیا ہے اور جانچ پڑتال شروع کردی گئی ہے۔

دوسری جانب وزیراعلیٰ جودھپور نے ہلاک نوجوان کے اہل خانہ کی مالی امداد کا اعلان کیا ہے، سی ایم اشوک گہلوت کی جانب سے جاری بیان میں کہا گیا کہ نوجوان کے اہل خانہ کو 2 لاکھ جبکہ شدید زخمیوں کو ایک ایک لاکھ اور معمولی زخمیوں کو پچاس ہزار کی فوری مالی امداد فراہم کرنے کا حکم دیا ہے۔

The post بھارت میں خوف ناک ٹریفک حادثہ (بچے ویڈیو نہ دیکھیں) appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/2Yx5FpH