امریکا میں دودھ کی نہر! واقعے کی حقیقت سامنے آگئی

واشنگٹن : امریکی ریاست ٹیکساس کی دو ریاستوں کو ملانے والی سڑک پر دودھ کی نہر بہنے لگی۔

امریکی خبر رساں ادارے کی رپورٹ کے مطابق امریکی ریاست ٹیکساس میں دودھ لیجانے والا ٹرک دو ریاستوں کو ملانے والی سڑک پر حادثے کا شکار ہوا جس کے باعث ہائی وے دودھ کی نہر کا منظر پیش کرنے لگا۔

ایل پاسو پولیس کا اس حوالے سے کہنا ہے کہ حادثہ ٹیکساس ہائی وے پر اس وقت پیش آیا جب ٹرک سارہ فارم سے ہزاروں لیٹر دودھ سپلائی کرنے نکلا۔

انٹرا اسٹیٹ لین میں ٹرک کا اچانک حادثہ پیش آیا اور وہ زمین پر الٹ گیا جس کی وجہ سے ٹرک میں موجود دودھ کے گیلن سڑک پر بکھر گئے اور سارا دودھ شاہراہ پر پھیل گیا۔

پولیس کا کہنا ہے کہ حادثے کے باعث ٹریفک کی روانی شدید متاثر ہوگئی تاہم اسے ٹریفک کو بحال کرنے کےلیے ریسکیو حکام ٹرک کو راستے سے ہٹانے اور دودھ کی صفائی کا کام کررہے ہیں۔

غیر ملکی میڈیا کے مطابق ٹرک حادثے کی وجوہات تاحال معلوم نہیں ہوسکیں ہیں البتہ اس حادثے میں کسی کے زخمی یا ہلاک ہونے کی اطلاعات بھی موصول نہیں ہوئیں۔

The post امریکا میں دودھ کی نہر! واقعے کی حقیقت سامنے آگئی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3oaFrC8