پاک فوج کا میجر شبیر شریف کے 50ویں یوم شہادت پر خراج عقیدت پیش

راولپنڈی: آئی ایس پی آر نے میجر شبیر شریف کے 50ویں یوم شہادت پر خراج عقیدت پیش کرتے ہوئے کہا کہ مادر وطن کے دفاع سےبڑھ کرعظیم کوئی اور مقصد نہیں۔

تفصیلات کے مطابق پاکستانی فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل بابر افتخار نے سماجی رابطے کی ویب سائٹ ٹوئٹر پر
میجرشبیرشریف کے پچاس ویں یں یوم شہادت پر انہیں خراج عقیدت پیش کیا ہے۔

On his 50th martyrdom anniversary, we pay tribute to Maj Shabbir Sharif Shaheed, NH, a most gallant officer who received SJ in 1965 & NH during 71 War for heroic action @ Sulemanki Sector. His supreme sacrifice reminds us that no cause is nobler than defence of the motherland

— DG ISPR (@OfficialDGISPR) December 5, 2021

ڈی جی آئی ایس پی آر نے اپنے پیغام میں کہا ہےکہ میجرشبیرشہیدکی قربانی کے سبب ملک کا دفاع ممکن ہوا ، میجر شبیرشریف کو 65کی جنگ میں بہادری پر ستارہ جرأت سےنوازاگیاتھا 71میں سلیمانکی سیکٹر میں میجر شبیر شہید نے دشمن کا جوان مردی سےمقابلہ کیا۔

جنرل میجر جنرل بابر افتخار کا کہنا تھا کہ ان کی عظیم قربانی ہمیں یاد دلاتی ہے کہ مادر وطن کے دفاع سےبڑھ کرعظیم کوئی اور مقصد نہیں۔

خیال رہے میجر شبیر شریف شہید نشان حیدر کا آج 50 واں یوم شہادت منایا جارہا ہے، میجر شبیر شریف شہید 1971 کی پاک بھارت جنگ میں حویلی لکھا کے سرحدی علاقے ہیڈ سلیمانکی سیکٹر کے قریب 6 ایف ایف کی کمانڈ کر رہے تھے. ان کو تین دسمبر 1971 کو بھارت کے علاقہ میں ثبونہ بند پر قبضہ کرنے کی ذمہ داری سونپی گئی۔

دشمن نے دفاع کیلئے آسام ارجمنٹ کی ایک کمپنی سے زیادہ نفری تعینات کر رکھی تھی، جسے ٹینکوں کی ایک سکوارڈن کی مدد حاصل تھی، اس پوزیشن تک پہنچنے کیلئے دشمن کی بچھائی ہوئی بارودی سرنگوں اور پھر نہر ثبونہ کے پل کو پار کرنا تھا، جس پر دشمن نے مشین گنیں نصب کر رکھی تھیں۔

گھمسان کے اس معرکہ میں میجر شبیر شریف نے مردانہ وار مقابلہ کیا، تینتالیس سپاہی مار دیئے اور اڑتیس کے قریب کو قیدی بنا لیا اور متعدد ٹینکوں کو بھی تباہ کر ڈالا۔

6 دسمبر کی سہ پہر کو دشمن کے ایک اور حملے کا دفاع کرتے ہوئے میجر شبیر شریف اپنے توپچی کی اینٹی ٹینک گن سے دشمن کی توپوں اور ٹینکوں پر گولے برسا رہے تھے کہ ٹینک کا ایک گولہ ان پر آن پڑھا اور اس مجاہد نے عین حالت جدال میں جام شہادت نوش کیا۔

گورنمنٹ آف پاکستان نے میجر شبیر شریف شہید کی اس بے مثال قربانی اور جنگ میں داستان رقم کرنے پر اعلیٰ ترین جنگی اعزاز نشان حیدر عطا کیا۔

The post پاک فوج کا میجر شبیر شریف کے 50ویں یوم شہادت پر خراج عقیدت پیش appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3oriJan