آسٹریلیا میں قدرتی آفات : آتشزدگی اور سیلاب نے تباہی مچادی

کینبرا : آسٹریلیا کے مختلف مقامات پر “بُش فائر”(جھاڑیوں کی آگ) کا سلسلہ جاری ہے تو دوسری جانب ملک کے مشرقی علاقوں میں بارشوں کے بعد شدید سیلابی صورتحال کا سامنا ہے۔

متعلقہ حکام نے شہریوں کو قدرتی آفات سے محفوظ رکھنے کیلئے اہم ہدایات جاری ہیں، محکمہ فائر اینڈ ایمرجنسی سروسزکا کہنا ہے کہ لوگ محفوظ مقامات پر منتقل ہوجائیں۔

آسٹریلیا میں جمعہ کے روز لوگوں کو دو قدرتی آفات کا سامنا رہا، غیرملکی خبر رساں ادارے کے مطابق مغربی ساحلی علاقے میں جھاڑیوں میں آگ لگ گئی جبکہ ملک کے مشرقی علاقوں میں شدید سیلاب اور بارشیں ہوئیں۔

کئی ہفتوں کے بلند درجہ حرارت کے بعد دریائے مارگریٹ کے مغربی سیاحتی مقام پر آگ لگ گئی، جو اپنی وائن اور سرفنگ کے لیے مشہور ہے۔

کسی گھر کو نقصان نہیں پہنچا اور کسی کے زخمی ہونے کی اطلاع نہیں ہے لیکن آگ کے شعلے وسیع علاقے میں دیکھے گئے ہیں جس سے دھواں آسمان کی طرف بلند ہو رہا ہے۔

موجودہ صورتحال کے پیش نظر ریاست کے محکمہ فائر اینڈ ایمرجنسی سروسز نے شہریوں سے کہا ہے کہ زندہ رہنے کے لیے فوری طور پر ہنگامی و حفاظتی اقدامات کریں اور کچھ رہائشیوں سے کہا گیا ہے کہ وہ کسی محفوظ مقام پر یا پناہ گاہ منتقل ہوجائیں۔

سائنس دانوں کا خیال ہے کہ آسٹریلیا کا شدید موسم انسانوں کی بنائی ہوئی موسمیاتی تبدیلیوں سے بدتر ہوگیا ہے۔ حالیہ برسوں میں براعظم کو خشک سالی، جھاڑیوں میں آگ اور سیلاب کا سامنا رہا ہے۔

The post آسٹریلیا میں قدرتی آفات : آتشزدگی اور سیلاب نے تباہی مچادی appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3s4cSts