ممتاز عالمِ دین مفتی تقی عثمانی کا سیالکوٹ واقعے پر ردِعمل آگیا

کراچی : ممتاز عالمِ دین مفتی تقی عثمانی نے سیالکوٹ واقعے کی شدید مذمت کرتے ہوئے کہا واقعے نےمسلمانوں کی بھونڈی تصویر دکھاکرملک کو بدنام کیا۔

تفصیلات کے مطابق ممتاز عالمِ دین مفتی تقی عثمانی نے سماجی رابطے کی ویب سائٹ ٹوئٹر پر سانحہ سیالکوٹ پر ردعمل کا اظہار کرتے ہوئے کہا توہين رسالت انتہائی سنگین جرم ہے ، ملزم سے توہین رسالت کےارتکاب کے ثبوت بھی مضبوط ہونےضروری ہیں، سنگین الزام لگا کر وحشیانہ اورحرام طریقے سے خود سزا دینے کا جواز نہیں، سیالکوٹ واقعے نےمسلمانوں کی بھونڈی تصویر دکھاکرملک کو بدنام کیا۔

توهين رسالت انتہائی سنگین جرم ہے لیکن ملزم سے اسکے ارتکاب کے ثبوت بھی اتنے ہی مضبوط ہونے ضروری ہیں کسی پر یہ سنگین الزام لگا کر خود ہی اسے وحشیانہ اور حرام طریقے سے سزا دینے کاکوئی جواز نہیں سیالکوٹ کے واقعے نےمسلمانوں کی بھونڈی تصویر دکھاکر ملک وملت کو بدنام کیا ہے اناللہ

— Muhammad Taqi Usmani (@muftitaqiusmani) December 4, 2021

یاد رہے کہ گزشتہ روز سیالکوٹ کے علاقے وزیرآباد میں قائم فیکٹری کے غیرملکی منیجر پرانتھا کمار کو ملازمین نے وحشیانہ تشدد کرکے قتل کیا اور لاش کو کھینچ کر چوک تک لائے، جس کے بعد جنونی ہجوم میں شامل مشتعل افراد نے لاش کو نذر آتش کردیا۔

The post ممتاز عالمِ دین مفتی تقی عثمانی کا سیالکوٹ واقعے پر ردِعمل آگیا appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3IviJ15