سعودی عرب کا حج اور عمرے پر آنے والوں کیلئے بڑا اعلان

ریاض : سعودی عرب نے روسی کورونا ویکسین اسپوتنک وی کی 2خوراکیں لگوانے والوں کو حج، عمرہ اور مختصر وزٹ کی اجازت دے دی۔

تفصیلات کے مطابق سعودی عرب نے مملکت میں آنے والے افراد کو مزید سہولت فراہم کرتے ہوئے روسی ویکسین اسپوتنک وی کی2خوراکیں لگوانے پرحج عمرہ اورمختصر وزٹ کی اجازت دے دی۔

سعودی محکمہ صحت عامہ کا کہنا ہے کہ فیصلے پرعملدرآمد یکم جنوری 2022 سے ہوگا ، جس کے بعد دنیا بھر سے روسی ویکسین لگوانے والے مسلمان اب سعودی عرب جاسکیں گے۔

اس سے قبل سائنو ویک اورسائنو فام کی دونوں خوراکیں لگوانےوالوں کویکم دسمبر سے آنےکی اجازت ہے تاہم  انہیں مملکت آنے پر پانچ دن قرنطینہ میں گزارنے ہوں گے۔

محکمہ صحت عامہ نے مزید کہا کہنا کہ ’مملکت کے سفر پر روانہ ہونے سے قبل ’قدوم‘ پلیٹ فارم پر وزیٹر کو اندراج کرانا ہوگا‘، علاوہ ازیں سفر کے وقت ایئرلائن کو آن لائن یا دستاویز کی صورت میں ویکسین لینے کا ثبوت پیش کرنا ہوگا۔

حکام کے مطابق ویکسین شدہ افراد کو سعودی عرب پہنچنےپرپی سی آر ٹیسٹ اور 48 گھنٹے قرنطینہ کرنا ہوگا۔

The post سعودی عرب کا حج اور عمرے پر آنے والوں کیلئے بڑا اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3yb6SAx