اومیکرون : مصر کی ایئرلائن کا جنوبی افریقہ کے لیے اہم اعلان

قاہرہ : مصر کی ایجپٹ ائیرلائنز نے اعلان کیا ہے کہ جنوبی افریقہ کے لیے معطل کی گئی پروازیں 16 دسمبر سے دوبارہ بحال کردی جائیں گی۔

عرب نیوز کے مطابق مصر کی ائیرلائنز کی جانب سے کہا گیا ہے کہ قاہرہ اور جوہانسبرگ کے درمیان ہر جمعرات کو ایک پرواز روانہ ہوگی۔

مصر کی وزارت صحت کی جانب سے اعلان کیا گیا ہے کہ کورونا وائرس کی نئی قسم کے پھیلاؤ کو روکنے کے لیے جنوبی افریقہ سے آنے والے تمام مسافروں پرحفاظتی اقدامات کا اطلاق کیا جائےگا۔

واضح رہے کہ مصر نے نئے کورونا وائرس اومیکرون کی مختلف قسم کے خدشات کے پیش نظر 26 نومبر کو جنوبی افریقہ کے لیے روانگی اور وہاں سے براہ راست پروازیں آنے پر پابندی لگانے کا فیصلہ کیا تھا۔

وزارت صحت کے ترجمان حسام عبدالغفار نے بتایا ہے کہ کورونا وائرس کی نئی قسم اومیکرون ابھی تک مصر نہیں پہنچی اور اس وائرس سے نمٹنے کے لیے وزارت صحت کی جانب سے اقدامات کیے جارہے ہیں۔

دریں اثناء ورلڈ ہیلتھ آرگنائزیشن کی جانب سے بتایا گیا ہے کہ دنیا بھرکے57 ممالک میں کورونا وائرس کی نئی قسم اومیکرون کے بارے میں انکشاف ہوا ہے۔

The post اومیکرون : مصر کی ایئرلائن کا جنوبی افریقہ کے لیے اہم اعلان appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3yfuymZ