کورونا وائرس : شاہ سلمان بن عبدالعزیز کے نئے فرمان جاری

ریاض : خادم حرمین شریفین نے دو شاہی فرامین جاری کرکے تمام اداروں کو کورونا ایس او پیز، سماجی فاصلے اور حفاظتی ماسک پر عمل درآمد کی تاکید کردی، کورونا ایس او پیز، حفاظتی ماسک اور سماجی فاصلے کی پابندی تمام پروگراموں اور اداروں میں لازمی قرار دے دی گئی ہے۔

سعودی عرب کے ذرائع ابلاغ کے مطابق شاہی فرامین میں تاکید کی گئی ہے کہ ہر ادارہ اپنے یہاں آنے والوں کا ہیلتھ ڈیٹا توکلنا ایپ کے ذریعے چیک کرے۔

سماجی فاصلے کی پابندی کرائے اور اپنے تمام اداروں اور پروگراموں میں حفاظتی ماسک کے استعمال کو یقینی بنائے، اپنے یہاں ہونے والی خلاف ورزیوں کا ریکارڈ ترتیب دے اور خلاف ورزی کرنے والوں پر مقررہ جرمانے عائد کرے۔

مذکورہ شاہی فرامین صحت مسائل سے نمٹنے کے لیے اعلی رابطہ کمیٹی کی سفارش پر جاری کیے گئے ہیں، متعلقہ کمیٹی نے سفارش کی تھی کہ مملکت بھر میں کورونا وائرس کو پھیلنے سے روکنے کے لیے تمام ضروری حفاظتی تدابیر کی جائیں۔

یاد رہے کہ وزارت داخلہ نے بدھ کو بیان جاری کرکے ایک بار پھر مملکت بھر میں ماسک اور سماجی فاصلے کی پابندی بحال کردی ہے، یہ پابندیاں تمام کھلے اور بند مقامات نیز پروگراموں اور تقریبات میں جمعرا 30 دسمبر سے نافذ کردی گئیں۔

The post کورونا وائرس : شاہ سلمان بن عبدالعزیز کے نئے فرمان جاری appeared first on ARYNews.tv | Urdu - Har Lamha Bakhabar.

from عالمی خبریں – ARYNews.tv | Urdu – Har Lamha Bakhabar https://ift.tt/3qHAUZ2