بیرون ملک سے کراچی پہنچنے والے 21 مسافروں میں کورونا کی تصدیق

کراچی : متحدہ عرب امارات جانے والے 36مسافر کورونا زدہ نکلے، مذکورہ مسافروں کی روانگی منسوخ کرکے ان کو فوری طور پر قرنطینہ مرکز پہنچا دیا گیا۔

تفصیلات کے مطابق ملک کے مختلف ایئر پورٹس پر کورونا وائرس کی روک تھام کیلئے اقدامات کا سلسلہ جاری ہے اس سلسلے میں ملک میں آنے اور جانے والوں کے طبی معائنے اور ٹیسٹ کیے جارہے ہیں۔

ذرائع کا کہنا ہے کہ کراچی سے دبئی جانے والے 36مسافروں میں کورونا وائرس کی تصدیق ہونے کے بعد انہیں سفر کرنے سے روک دیا گیا۔

مسافر مختلف پروازوں کے ذریعے متحدہ عرب امارات جانا چاہتے تھے۔ ذرائع کے مطابق ریپیڈ انٹیجن ٹیسٹ کے ذریعے ان مسافروں کی کورونا وائرس کی تشخیص ہوئی ہے۔

کراچی جناح ایئرپورٹ پرمتحدہ عرب امارات جانے والے مسافروں کو پرواز کی روانگی سے4گھنٹے قبل ریپڈ انٹیجن ٹیسٹ کئے گئے تھے۔

چوبیس گھنٹوں کے دوران مسافروں کے ریپڈ ٹیسٹ کئے گئے تو ان میں مجموعی طور 36مسافروں میں کورونا وائرس کی تشخیص ہوئی۔

اس حوالے سے سول ایوی ایشن ذرائع کا کہنا ہے کہ مذکورہ تمام مسافروں کو سفر کی اجازت نہیں دی گئی، مثبت آنے والے مسافر قرنطینہ کیلئے مختلف اسپتالوں میں منتقل کردیئے گئے ہیں۔

ذرائع کا کہنا ہے کہ وزیراعلیٰ اور وزیر صحت سندھ نے کراچی ایئرپورٹ پر مانیٹرنگ مزید سخت کرنے کا حکم دیا ہے۔

خیال رہے پاکستان میں کورونا کے پھیلاؤ میں شدت آگئی ہے اور کراچی میں کورونا کی شرح 9 فیصد سے تجاوز کر گئی ہے، ایک دن میں ایک ہزار سے زائد کیسز رپورٹ ہوئے۔

بیرون ملک سے کراچی پہنچنے والے 21 مسافروں میں کورونا کی تصدیق

چند روز قبل بیرون ملک سے کراچی آنے والے21 مسافر بھی کورونا میں مبتلا نکلے تھے،18مسافر سعودی عرب اور 3 مسافر برطانیہ سے کراچی پہنچے، بیرون ملک سے آنے والے 21 مسافروں کا کورونا ٹیسٹ مثبت نکلا تھا۔

The post کراچی : بیرون ملک جانے والے 36 مسافروں میں کورونا کی تصدیق appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3zGb38a