پشاور میں کورونا کے بڑھتے ہوئے کیسز ، مزید 4 اسکول اور ایک ہاسٹل بند

پشاور : خیبر پختونخواہ کے دارلحکومت پشاور کورونا کیسز میں اضافے کے پیش نظر مزید چار اسکول اور ایک ہاسٹل کو بند کردیا گیا۔

تفصیلات کے مطابق خیبر پختونخواہ کے دارلحکومت پشاورمیں کورونا کے بڑھتے ہوئے کیسز کے پیش نظرانتظامیہ نے مزید چار اسکول اور ایک ہاسٹل کو بند کردیا۔

بند کئے جانے والے اسکولز میں گورنمٹ گرلز ہائیر سیکنڈری سکول یونیورسٹی ٹاؤن، گورنمنٹ گرلز ہائیر سکینڈری اسکول وڈ پگہ، ورکنگ فاکس سکول حیات آباد، اقرا پبلک سکول ورسک روڈ اور بے نظیر گرلز ہاسٹل شامل ہیں۔

ضلعی انتظامیہ کے مطابق اسکولوں اور ہاسٹل کو ایک ہفتے کے لئے بند کیا گیا ہے۔

خیال رہے کورونا کیسز میں اضافے کے بعد پشاور بند کیے گئے اسکولوں کی تعداد بیس سے زائد ہوگئی ہے۔

یاد رہے خیبرپختونخوا میں کورونا کے وار تیزی سے جاری ہے ، پشاور میں کورونا کی شرح پینتیس فیصد تک پہنچ گئی ہے جبکہ نوشہرہ میں ٹیسٹ مثبت آنے کی شرح چھیالیس فیصد سے زائد ہے۔

واضح رہے ملک میں کورونا کیسز اور اموات میں اضافے کا سلسلہ جاری ہے، ایک روز میں 21 اموات اور 7 ہزار سے زائد کیسز سامنے آئے ہیں۔

from پاکستان – ARYNews.tv | Urdu – Har Lamha Bakhabar https://ift.tt/7dJjhiL54