بلال یاسین پر قاتلانہ حملہ، حملہ آوروں کی شناخت ہوگئی

لاہور: مسلم لیگ ن کے رکن صوبائی اسمبلی بلال یاسین پر قاتلانہ حملے کے واقعے میں اہم پیشرفت ہوئی ہے۔

اے آر وائی نیوز کے مطابق پولیس نے مسلم لیگ ن کے رہنما بلال یاسین پر قاتلانہ حملے میں استعمال ہونے والے اسلحہ سے متعلق پتا لگالیا۔

پولیس کا بتانا ہے کہ حملے میں استعمال ہونے والا اسلحہ نیلا گمبدا اسلحہ مارکیٹ سے خریدا گیا، پولیس نے مارکیٹ سے تین اسلحہ ڈیلرز کو حراست میں لے لیا۔

پولیس کے مطابق تینوں ڈیلرزسے اسلحہ کی خریدوفروخت کا ریکارڈ بھی قبضہ میں لے لیا گیا۔

پولیس نے بتایا کہ تینوں گرفتار ڈیلرز کے ڈی وی آر بھی قبضے میں لے لیے گئے ہیں، اسلحہ کس نے خریدا اور کس بنیاد پر خریدا اس کی تفتیش جاری ہے۔

بلال یاسین پر قاتلانہ حملہ، حملہ آوروں کی شناخت ہوگئی

یاد رہے کہ گزشتہ روز شام کو بلال یاسین پر بلال گنج کے علاقے میں نقاب پوش افراد نے فائرنگ ‏کی تھی، ایک گولی ان کے پیٹ اور دوسری پاؤں پر لگی تھی، پیٹ کی گولی آج صبح آپریشن کے ذریعے نکال لی گئی۔

سیف سٹی ڈپارٹمنٹ کا کہنا تھا کہ کیمروں کی مدد سے 2 موٹر سائیکل سوار حملہ آوروں کی شناخت کی گئی ہے، بلال یاسین نے شبہ ظاہر کیا کہ ایک حملہ آور نے ڈولفن پولیس جیسی وردی پہن رکھی تھی۔

پولیس نے ایم پی اے بلال یاسین پر حملے کا مقدمہ آج تھانہ داتا دربار میں درج کر لیا ہے۔

The post ن لیگی رہنما پر قاتلانہ حملے کے واقعے میں اہم پیشرفت appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/3zi6hNL