بلوچستان میں بارش، برفباری برسانے والا طاقتور سسٹم داخل

بلوچستان میں بارش اور برفباری برسانے والا طاقتور سسٹم داخل ہوگیا ہے جو صوبے کے مختلف علاقوں میں آئندہ 2روز تک بارش اور برفباری کا باعث بنے گا۔

اے آر وائی نیوز کے مطابق بلوچستان میں نیا طاقتور سسٹم داخل ہوگیا ہے جس کے نتیجے میں آئندہ 2روز تک صوبے کے مختلف علاقوں میں بارش اور برفباری کا امکان ہے، پی ڈی ایم اے نے اس حوالے سے الرٹ جاری کردیا ہے۔

نوٹیفکیشن کے مطابق آئندہ 2 روز تک کوئٹہ، زیارت، بارکھان، پشین، ژوب، قلعہ عبداللہ، کوہلو، قلات، قلعہ سیف اللہ میں بارش اور برفباری کا امکان ہے۔

اس کے علاوہ ہرنائی میں مطلع ابرآلود رہنے کے ساتھ مزید بارش اوربرف باری ہوسکتی ہے۔

پی ڈی ایم اے نے اس حوالے سے الرٹ جاری کردیا ہے جب کہ کان میترزئی، کوژک ٹاپ، زیارت میں ہیوی مشینری پہنچا دی گئی ہے۔

یاد رہے کہ محکمہ موسمیات نے آج سے کراچی میں سردی کی نئی لہر آنے کی بھی پیشگوئی کی ہے۔

The post بلوچستان میں بارش، برفباری برسانے والا طاقتور سسٹم داخل appeared first on ARYNews.tv | Urdu - Har Lamha Bakhabar.

from پاکستان – ARYNews.tv | Urdu – Har Lamha Bakhabar https://ift.tt/33zHSbg