ایف بی آر نے مقررہ ہدف سے زائد ریونیو حاصل کرلیا

فیڈرل بورڈ آف ریونیو نے کہا ہے کہ رواں ماہ کے پہلے 7 ماہ میں مقررہ ہدف سے 262 ارب روپے کے زائد محاصل وصول کرچکے ہیں۔

ایف بی آر نے رواں مالی سال میں جولائی 2021 سے جنوری 2022 میں حاصل کردہ محصولات کی ابتدائی تفصیلات جاری کردی ہیں۔

جاری کردہ تفصیلات کے مطابق ایف بی آر نے3352ارب روپے کا خالص ریونیو حاصل کیا ہے جو کہ اس عرصہ کے مقرر کردہ ہدف 3090ارب روپے سے 262 ارب روپے زائد ہے۔

اس طرح پچھلے سال اسی عرصے میں حاصل کردہ 2571 ارب روپے کے محصولات کے مقابلے میں 30.4 فیصد اضافہ حاصل ہوا ہے۔

ایف بی آر نے ماہ جنوری2022 میں430 ارب روپے کا نیٹ ریونیو حاصل کیا جو کہ پچھلے سال جنوری 2021کے حاصل کردہ نیٹ ریوینیو367ارب روپے کے مقابلے میں17.2فیصد زائد اضافہ ہے۔

ماہ جنوری کے آخری دن کے اختتام تک اور بک ایڈجسٹمنٹ کی مد میں حاصل ہونے والی وصولیوں کے بعد محصولات کی تعداد میں مزید اضافہ متوقع ہے۔

اسی طرح گراس ریونیو گزشتہ سال جولائی 2020 تا جنوری 2021 کے 2705 ارب روپے کے مقابلے میں رواں سال کے ابتدائی 7 ماہ میں 3533 ارب روپے رہا جو 30.6 فیصد زیادہ ہے۔

جولائی 2021 تا جنوری 2022 میں 182 ارب روپے کے ریفنڈ جاری کیے گئے جو کہ گزشتہ سال اسی عرصے میں 134 ارب روپے تھے، اس طرح ریفنڈ کے اجرا میں 35.9 فیصد اضافہ ریکارڈ ہوا۔

جاری رپورٹ میں کہا گیا ہے کہ باوجود اس کے کہ ایف بی آرکوحکومت کی طرف سے قیمتوں کو مستحکم رکھنے جیسے اقدامات اور متعدد چیلنجزکا سامنا ہے مگر پھر بھی ملکی تاریخ میں پہلی مرتبہ ایف بی آر نے ہدف سے زائد محصولات کے سلسلے کو جاری رکھا ہوا ہے۔

from پاکستان – ARYNews.tv | Urdu – Har Lamha Bakhabar https://ift.tt/Ug40pbmho