افغانستان میں 2 غیر ملکی صحافی گرفتار

کابل: افغانستان کے دارالحکومت کابل میں دو غیر ملکی صحافیوں کو حراست میں لے لیا گیا ہے جو اقوام متحدہ کی ایجنسی برائے پناہ گزین کے لیے اپنے فرائض انجام دے رہے تھے۔

الجزیرہ کے مطابق اقوام متحدہ کے اعلیٰ کمشنر برائے مہاجرین (یو این ایچ سی آر) نے سماجی رابطے کی ویب سائٹ ٹوئٹر پر دو صحافیوں کو افغانستان میں گرفتار کیے جانے کی تصدیق کی۔

یو این ایچ سی آر نے کہا کہ ایجنسی کے ساتھ کام کرنے والے دو صحافیوں اور ان کے ساتھ کام کرنے والے افغان شہریوں کو کابل میں حراست میں لے لیا گیا، تاہم صورتِ حال کو حل کرنے کوشش کر رہے ہیں۔

Two journalists on assignment with UNHCR and Afghan nationals working with them have been detained in Kabul. We are doing our utmost to resolve the situation, in coordination with others.

We will make no further comment given the nature of the situation.

— UNHCR, the UN Refugee Agency (@Refugees) February 11, 2022

ان صحافیوں میں سے ایک برطانوی صحافی اینڈریو نارتھ ہیں جنہوں نے تقریباً 20 سال تک افغانستان کی کوریج کی۔ انہوں نے جنگ زدہ ملک میں اس کے بگڑتے ہوئے انسانی بحران کی رپورٹنگ کے لیے باقاعدگی سے سفر کیا۔

افغانستان حکومت کے ترجمان ذبیح اللہ مجاہد کا کہنا ہے کہ حکام اس معاملے کو دیکھ رہے ہیں، ہمیں دو غیر ملکی صحافیوں کی گرفتارئی سے متعلق معلومات ملی ہیں۔

ذبیح اللہ مجاہد نے کہا کہ اس بات کی تصدیق کرنے کی کوشش کر رہے ہیں کہ آیا انہیں گرفتار کیا گیا ہے یا نہیں۔

from عالمی خبریں – ARYNews.tv | Urdu – Har Lamha Bakhabar https://ift.tt/lK39fYS