کراچی : پی ٹی آئی کارکنان کا کلفٹن تھانے کے باہر دھرنا

کراچی : پی ٹی آئی کراچی کے رہنما کے گھر پر پولیس کے چھاپے اور دیگر کارکنان کی گرفتاری کیخلاف سڑکوں پر نکل آئے۔

تفصیلات کے مطابق کراچی کے علاقے کلفٹن تھانے کے باہر پی ٹی آئی رہنماؤں نے پولیس کارروائی کے خلاف کلفٹن تھانے کے باہر دھرنا دیا۔

اس موقع پر پی ٹی آئی رہنماؤں اور کارکنان نے گرفتار افراد کی رہائی تک دھرنا جاری رکھنے کا اعلان کیا، مظاہرے سے خطاب کرتے ہوئے پی ٹی آئی کراچی کے صدر بلال غفار نے کہا کہ سندھ حکومت انتقام کی آگ میں جل رہی ہے۔

انہوں نے کہا کہ جیالی سرکار کی پولیس بھی جیالی بن چکی ہے، پی ٹی آئی رہنما مراد شیخ کے گھر پر بغیر وارنٹ چھاپہ مارا کر چادر اور چاردیواری کا تقدس پامال کیا گیا۔

بلال غفار نے کہا کہ کارکنان کے اہل خانہ کو بھی گرفتار کیا گیا ہے، کارکنان رمیش کمار کی رہائش گاہ سےکافی دور احتجاج کررہے تھے۔

اس حوالے سے وفاقی علی حیدر زیدی نے اپنے ٹوئٹر پیغام میں کہا ہے کہ پرامن مظاہرین کو سندھ حکومت گرفتار کروا رہی ہے،کارکنان نے پی ٹی آئی سے منحرف ہونے والے ایک اقلیتی ایم این اے کے گھر کے باہر پرامن احتجاج کیا تھا۔

دلچسپ بات یہ ہے کہ انہوں نے ایف آئی آر میں موجودہ ایم پی اے کو بھی نامزد کیا ہے، بلاول زرداری کے لہجے، چہرے اور رویے دونوں پر گھبراہٹ کے آثار نمایاں ہیں۔

from پاکستان – ARYNews.tv | Urdu – Har Lamha Bakhabar https://ift.tt/wl3cETP