کویت: غیرملکیوں کی ملازمت سے متعلق اہم خبر

کویت سول سروس کمیشن نے ملحقہ سرکاری ایجنسیوں سے کہا ہے کہ وہ مزید کسی غیر کویتی کی تقرری کی درخواست نہ کریں۔

غیر ملکی میڈیا کے مطابق کویت سول سروس کمیشن (سی ایس سی) نے اپنی ملحقہ سرکاری ایجنسیوں سے کہا ہے کہ وہ مزید کسی غیر کویتی کی تقرری کی درخواست نہ کریں اور کمیشن کی قرار داد کا حوالہ دیتے ہوئے کہا ہے کہ ملازمتوں کی کویتیائزیشن کے بارے میں سال 2017 کی سول سروس کمیشن کی قرارداد نمبر11 پر عملدرآمد کیا جائے۔

کویت کے سول سروس کمیشن نے متعلقہ حکام کو یہ خط مختلف سرکاری اداروں بشمول وزارت اوقاف اور اسلامی امور کی جانب سے غیر کویتی افراد کی تقرریوں کیلیے متعدد درخواستیں موصول ہونے کے بعد لکھا ہے جنہیں بعد ازاں مسترد کردیا گیا تھا۔

سول سروس کمیشن نے اس بات پر زور دیا ہے کہ غیر کویتی کی تقرری کی کوئی بھی درخواست جو سی ایس سی کے فیصلے میں بیان کردہ فیصد سے زیادہ ہے وہ خلاف ضابطہ ہے۔

کمیشن نے اپنے خط میں اس بات کا بھی اشارہ دیا ہے کہ فیصلے کے مطابق کویتیائزیشن کی مقرر کردہ فیصد حاصل کرنے کی مدت رواں سال 26 اگست کو ختم ہورہی ہے اسی لیے قانون ساز نے حکام کو پابندی کیا ہے کہ وہ غیر کویتی ملازمین کی تعداد کو سالانہ اس حد تک کم کریں جب تک کہ کویتی ملازمین کی تعداد مقرر کردہ فیصد تک نہ پہنچ جائے۔

from عالمی خبریں – ARYNews.tv | Urdu – Har Lamha Bakhabar https://ift.tt/z6GFCml