عمرہ زائرین، رمضان دسترخوان، آبِ زم زم سے متعلق اہم اعلان

حرمین شریفین انتظامیہ نے کورونا وبا کے بعدرمضان المبارک کے سب سے بڑے آپریشنل پلان کا اعلان کر دیا۔

حرمین شریفین انتظامیہ کے سربراہ عبدالرحمان السدیس نے رمضان المبارک منصوبے سے متعلق پریس کانفرنس کرتے ہوئے کہا کہ رواں سال 2 ہزار رمضان دسترخوان کے اجازت نامے جاری کیے گئے ہیں۔

انہوں نے بتایا کہ عمرہ زائرین کی آمدو رفت کیلئے 3 دروازے مختص کر دیے جن میں باب ملک عبدالعزیز، باب ملک فہد، اورباب السلام شامل ہیں۔

عمرہ زائرین کی خصوصی خدمات کیلئے خواتین اہلکار سمیت 12 ہزار کارکنان تعینات کیے جارہے ہیں۔ نمازیوں کیلئے 144دروازے مختص کردیےگئے۔ اجیادپل، الشبیکہ پل،المروۃ پل بھی نمازیوں کیلئےمختص ہیں۔

افطار سے سحر تک آب زم زم کی فراہمی یقینی بنائی جائےگی۔ مطاف میں اسپیشل گاڑیوں کےذریعےآب زم زم کی فراہمی کا انتظام کیا گیا ہے۔ ڈیجیٹل سہولت کا استعمال، سینی ٹائزنگ، آب زم زم تقسیم کا کام روبوٹس کریں گے۔

TRANSLATION of key points following the Presidency of Haramain's virtual press conference, outlining its complete operational plan for the holy month of #Ramadan 1443 Hijri. pic.twitter.com/9hyW3rQR6V

— 𝗛𝗮𝗿𝗮𝗺𝗮𝗶𝗻 (@HaramainInfo) March 21, 2022

بڑی اسکرینز پر مختلف زبانوں میں ہدایات دینے بھی کے انتظامات کیے گئے ہیں۔ مذہبی استفسارات کے جوابات میں بھی روبوٹس کااستعمال کیا جائےگا۔

from عالمی خبریں – ARYNews.tv | Urdu – Har Lamha Bakhabar https://ift.tt/WyxN43R