حمزہ شہباز کا حلف: تحریک انصاف کا 3 آپشنز پر غور

لاہورہائی کورٹ کے حمزہ شہباز سے وزیراعلیٰ پنجاب کا حلف لینے سے متعلق فیصلے کے بعد تحریک انصاف نے 3 آپشن پر غور کر دیا ہے۔

تفصیلات کے مطابق آئینی ٹیم نے گورنرپنجاب عمرسرفرازچیمہ کو آئینی نکات پر بریفنگ دیتے ہوئے کہا کہ گورنر وزیراعلیٰ کا استعفیٰ غیرقانونی قرار دے کر پوزیشن بحال کر سکتےہیں۔

آئینی ماہرین کا ماننا ہے کہ گورنر پنجاب دوبارہ انتخاب کا حکم دے سکتے ہیں۔ آئینی ماہرین نےگورنرکواسمبلی تحلیل کرنےکےآپشن سےمتعلق بھی بریفنگ دی ہے۔

ذرائع کے مطابق گورنرپنجاب، وزیراعلیٰ عثمان بزدار کے استعفے پر آئینی اعتراضات کر چکے ہیں گورنر اسمبلی میں وزیراعلیٰ کے انتخاب کو غیرقانونی قرار دے کر تحفظات کا اظہار کر چکے ہیں۔

گورنر کو ماہرین نے انٹراکورٹ اپیل کےحوالےسے بھی بریف کیا ہے۔

دوسری جانب اسپیکر پنجاب اسمبلی چوہدری پرویز الہی نے لاہور ہائیکورٹ کے فیصلہ کے خلاف اپیل دائر کرنے کا اعلان کرتے ہوئے کہا کہ صدر مملکت اور گورنر پنجاب کو بائی پاس نہیں کیا جاسکتا۔

from پاکستان – ARYNews.tv | Urdu – Har Lamha Bakhabar https://ift.tt/9W0OTUw