برسلز میں عمران خان کے حق میں مظاہرہ

برسلز : قومی اسمبلی میں سابق وزیر اعظم عمران خان کے خلاف تحریک عدم اعتماد کی کامیابی کے بعد سبکدوش ہونے والے وزیر اعظم کی حمایت میں ملک گیر مظاہرے جاری تاحال جاری ہیں۔

سابق وزیراعظم عمران خان کی حمایت میں برسلز میں مقیم پاکستانی عوام سڑکوں پر نکل آئے اور اپنا احتجاج ریکارڈ کراتے ہوئے نعرے بازی کی۔

اس سلسلے میں برسلز میں یورپین پارلیمنٹ کے باہر پی ٹی آئی بیلجیئم اور اوور سیز پاکستانیوں کا عمران کی حمایت میں ایک احتجاجی مظاہرہ کیا گیا۔

مظاہرے میں خواتین بچوں اور بزرگوں کی بڑی تعداد شریک تھی، مظاہرین کا کہنا تھا کہ عمران خان ہی وہ واحد لیڈر ہے جو پاکستان کی اُمید ہے، ہم عمران خان کو دوبارہ اقتدار میں دیکھنا چاہتے ہیں۔

اس موقع پر مظاہرین نے ن لیگ اور پی پی پی کو شدید تنقید کا نشانہ بناتے ہوئے ان کے خلاف شدید نعرے بازی بھی کی، مظاہرین نے پلے کارڈز بھی اٹھائے ہوئے تھے۔

مظاہرین کا کہنا تھا کہ عمران خان بہت جلد اقتدار میں واپس آئیں گے، اوورسیز پاکستانی عمران خان کے ساتھ کھڑے ہیں، ہم بیرونی مداخلت کے ذریعے آنے والی موجودہ حکومت کو مسترد کرتے ہیں۔

احتجاجی مظاہرین نے مزید کہا کہ عمران خان کو سازش کے ذریعے ہٹایا گیا، مظاہرے کے شرکاء نے پی ڈی ایم کے رہنبماؤں کے خلاف بھی سخت نعرے بازی کی۔

from پاکستان – ARYNews.tv | Urdu – Har Lamha Bakhabar https://ift.tt/jLBn1UZ