دو مسافروں نے طیارے کو بڑے حادثے سے بچالیا

برازیلیا: برازیل میں دو مسافروں نے طیارے کو بڑے حادثے سے بچالیا۔

غیرملکی خبررساں ادارے کی رپورٹ کے مطابق شہر جوراڈاؤ سے برانکو شہر جانے والے چھوٹے جہاز کا دروازہ اچانک حادثاتی طور پر کھل گیا جس پر دو مسافروں نے فوراً لپک کر دروازہ بند کردیا۔

مسافروں نے طیارے کے لینڈ ہونے تک دروازے کو مضبوطی سے پکڑے رکھا۔

رپورٹ میں بتایا گیا کہ دونوں مسافروں نے جہاز کے دروازے کو بند کرکے لینڈنگ تک اس لیے پکڑا رکھا کہ وہ دوبارہ نہ کھل جائے جس کے سبب طیارے کا توازن بگڑنے سے حادثے کا بھی خدشہ تھا۔

مذکورہ جہاز میں 15 سے 20 مسافر سوار تھے اور خوش قسمتی سے کوئی حادثہ پیش نہیں آیا اور تمام افراد محفوظ رہے۔

from عالمی خبریں – ARYNews.tv | Urdu – Har Lamha Bakhabar https://ift.tt/3xO9nUj