گورنر پنجاب کی عید کے موقع پر حکومت کو اہم پیشکش

گورنر پنجاب عمر سرفراز چیمہ نے سیاسی بحران کو آئین کے مطابق حل کرنے کی پیشکش کرتے ہوئے کہا ہے کہ اپنےجھگڑے بات چیت سے حل کرلینا حسن سلوک ہے۔

گورنر پنجاب نے عمر سرفراز چیمہ نے عید کے موقع پر سماجی رابطوں کی ویب سائٹ ٹوئٹر پر ٹوئٹ کرتے ہوئے حکومت کو سیاسی بحران کے حل کی پیشکش کی ہے۔

گورنر عمر سرفراز چیمہ نے اپنے ٹوئٹ میں ملک اور صوبے میں سیاسی بحران کے خاتمے کے لیے حکومت کو سیاسی بحران آئین کے مطابق حل کرنے کی پیشکش کرتے ہوئے کہا ہے کہ اپنے جھگڑے بات چیت سے حل کرلینا حسن سلوک ہے۔

اپنے جھگڑے بات چیت سے ہی حل کرلینا احسن حسن سلوک ہے

جب جھگڑا صرف آئین کی کتاب کھولنے سے تہہ ہو سکتا ہے تو وزیراعظم کیوں پورے صوبے کو اپنے انوکھے لاڈلے کی ضد پر آئینی اور سیاسی بحران سے دو چار کر رہے ہیں

آئیں ۱۲ کروڑ کے صوبےمیں ایک آئینی اور قانونی وزیراعلی کو حکومت چلانے دیں pic.twitter.com/6wzdu1rhN4

— Omar Sarfraz Cheema (@OmarCheemaPTI) May 3, 2022

 

عمر سرفراز چیمہ نے اپنے ٹوئٹ میں مزید لکھا ہے کہ جھگڑا صرف آئین کی کتاب کھولنے سے طے ہو سکتا ہے، وزیراعظم کیوں صوبے کو اپنے لاڈلے کی ضد پر بحران سے دوچار کررہے ہیں۔

گورنر پنجاب نے اپنے ٹوئٹ پیغام میں تجویز دی ہے کہ آئیں 12 کروڑ عوام کے صوبے میں ایک آئینی و قانونی وزیراعلیٰ کو حکومت چلانے دیں۔

from پاکستان – ARYNews.tv | Urdu – Har Lamha Bakhabar https://ift.tt/tLwzdci