موت سے قبل لیڈی ڈیانا کے ’آخری الفاظ‘ کیا تھے؟ تہلکہ خیز انکشاف

لیڈی ڈیانا 1997 میں ایک افسوسناک کار حادثے میں دنیا سے رخصت ہوگئیں ان کے دو بیٹے شہزادہ ولیم اور شہزادہ ہیری ہیں جن کی شادی کیٹ مڈلٹن اور میگھن مرکل سے ہوئی۔

لیڈی ڈیانا کی زبان سے موت سے قبل آخری ادا ہونے والے الفاظ کیا تھے جائے وقوعہ پر سب سے پہلے پہنچنے والے ریسکیو ورکر نے بالآخر اس سوال کا جواب دے دیا۔

ڈیلی سٹار کے مطابق زیویئر گورمیلن نامی اس سابق ریسکیو ورکر نے بتایا ہے کہ لگ بھگ 25 سال قبل جب اطلاع ملنے پر وہ اپنے ساتھیوں کے ہمراہ جائے حادثہ پر پہنچا تو اسے معلوم نہیں تھا کہ حادثے کا شکار ہونے والی شخصیت لیڈی ڈیانا ہے۔

گورمیلن نے بتایا کہ ”میں جب گاڑی میں موجود دم توڑتی خاتون کے قریب گیا تو اس کے منہ سے نکلنے والے آخری الفاظ سنے کہ ”میرے خدا، کیا ہو گیا ہے؟“

یہ الفاظ بولنے کے کچھ دیر بعد دل کا دورہ پڑنے سے ان کی موت واقع ہو گئی تھی۔“

ریسکیو اہلکار گورمیلن کا کہنا تھا کہ” لیڈی ڈیانا کے جسم پر بظاہر کوئی زخم نہیں تھا اور نہ ہی ان کے لباس پر کوئی خون لگا ہوا تھا۔ ان کے دائیں کندھے پر معمولی زخم آیا تھا۔ “

from عالمی خبریں – ARYNews.tv | Urdu – Har Lamha Bakhabar https://ift.tt/fvtEW5q