کرونا کے بعد دنیا پر نئی خطرناک وبا کا خطرہ منڈلانے لگا

ریاض: سعودی وزارت صحت نے بیان جاری کرتے ہوئے کہا ہے کہ مملکت میں منکی پاکس وائرس کا کوئی کیس رپورٹ نہیں ہوا۔

سعودی وزارت صحت کے مطابق مملکت میں منکی پاکس سے پھیلنے والی نئی وبا کا کوئی کیس رپورٹ نہیں ہوا، وائرس سے نمٹنے کے لیے مملکت پوری طرح تیار ہے۔

وزارت سے جاری بیان میں کہا گیا ہے کہ متعدد ممالک میں منکی پاکس وائرس کے کیسز کی تصدیق ہو چکی ہے، وبا کے سلسلے میں سعودی صحت حکام ڈبلیو ایچ او کے ساتھ رابطے میں ہیں۔

وزارت نے یہ بھی کہا کہ تمام ضروری طبی اور لیبارٹری ٹیسٹ مملکت میں دستیاب ہیں، اور اس سلسلے میں صحت کی دیکھ بھال کرنے والے کارکنوں کو ہدایات بھی جاری کی جا چکی ہیں۔

کرونا کے بعد دنیا پر نئی خطرناک وبا کا خطرہ منڈلانے لگا

واضح رہے کہ دنیا ابھی کرونا وبا کے برے اثرات سے پوری طرح نکلی نہیں ہے کہ منکی پاکس کا ایک اور خطرناک وبا کا خطرہ سر پر منڈلانے لگا ہے۔

منکی پاکس وسطی اور مغربی افریقا کے دور دراز علاقوں میں پائی جانے والی ایک متعدی بیماری ہے، جس میں انفیکشن کا خطرہ صرف اس وقت رہتا ہے جب کسی متاثرہ مریض سے بہت قریبی رابطہ ہو، اس سے متاثرہ مریض کو ہلکا بخار ہوتا ہے، زیادہ تر لوگ چند ہفتوں میں ٹھیک ہو جاتے ہیں، کچھ بڑی علامات میں بخار، جسم میں درد، سوجن، سر درد، تھکاوٹ اور چھالے شامل ہیں۔

عالمی ادارہ صحت کا کہنا ہے کہ 11 ممالک میں منکی پاکس کے تقریباً 80 کیسز کی تصدیق کی جا چکی ہے، کیسز میں مزید اضافے کا خدشہ ہے۔

from عالمی خبریں – ARYNews.tv | Urdu – Har Lamha Bakhabar https://ift.tt/rIaEFwg