عمران خان کی رہائش گاہ پر رات گئے پولیس کی بھاری نفری پہنچ گئی

اسلام آباد : عمران خان کی اسلام آباد مارچ کال سے پہلے پولیس نے کارروائیاں شروع کردیں، پولیس کی جانب سے اسلام آباد اور کراچی میں کارروائیاں کی گئیں۔

تفصیلات کے مطابق اسلام آباد میں بنی گالہ اور اطراف میں پولیس نے سرچ آپریشن کیا، پی ٹی آئی ذرائع کا کہنا ہے کہ بنی گالہ میں موجود پرامن پی ٹی آئی کارکنوں کو ہراساں کیا گیا۔

پولیس کے پہنچتے ہی بنی گالہ کے اطراف موجود پی ٹی آئی کارکنان متحرک ہوگئے، مشتعل کارکنان خیموں سے باہر نکل آئے اور حکومت مخالف شدید نعرے بازی کی۔

اسلام آباد پولیس کے بنی گالہ پہنچنے پر پی ٹی آئی رہنما مراد سعید باہر نکل آئے، بنی گالہ کے باہر احتجاج کرنے والے پی ٹی آئی کارکن اپنے سامنے مراد سعید کو دیکھ کر جذباتی انداز میں نعرے لگاتے رہے۔

پی ٹی آئی کارکنوں نے مراد سعید کے ساتھ سیلفیاں بھی بنائیں، مراد سعید کچھ دیر کارکنوں کے ساتھ موجود رہے، بعد ازاں پولیس واپس روانہ ہوگئی۔

from پاکستان – ARYNews.tv | Urdu – Har Lamha Bakhabar https://ift.tt/aMdi7Pm