آسٹریلیا میں پہلی بار 2 مسلمان وزیر بن گئے

کینبرا: آسٹریلیا میں پہلی بار دو مسلمان کابینہ میں شامل ہوگئے ہیں۔

آسٹریلیو میڈیا کے مطابق نو منتخب وزیراعظم انتھونی البانیس کی 23 رکنی کابینہ نے حلف اٹھالیا ہے، حلف برداری کی تقریب دارالحکومت کینبیرا میں منعقد ہوئی جس میں وزیر اعظم انتھونی البانیس اور ان کی کابینہ کے ارکان نے شرکت کی۔

وزیر اعظم انتھونی البانیس کی کابینہ میں ریکارڈ 10 خواتین اور پہلی بار 2 مسلمان وزراء ایڈ ہیوزک اور این ایلی بھی شامل ہیں۔

رپورٹس کے مطابق ایڈ ہیوزک کو وزارت صنعت اور سائنس جبکہ این ایلی کو وزیر برائے یوتھ کی ذمہ داریاں سونپی گئیں ہیں، ایڈہیوسک بوسنیائی مسلمان تارک وطن کے بیٹے ہیں جبکہ این ایلی کا تعلق مصر سے ہے۔

یہ بھی پڑھیں: آسٹریلیا: انتخابات میں بائیں بازو کی جماعت نے میدان مارلیا

آسٹریلین مسلم ایڈووکیسی نیٹ ورک نے وزیراعظم البانی کی جانب سے مسلم ارکان پارلیمنٹ کو اپنی کابینہ میں شامل کرنے کے تاریخی فیصلے کا خیر مقدم کیا ہے۔

خیال رہے کہ گزشتہ ماہ ہونے والے عام انتخابات میں لیبر پارٹی نے کامیابی حاصل کی تھی، آسٹریلیا کی 151 رکنی پارلیمنٹ میں لیبر پارٹی نے 77 نشستیں حاصل کی تھیں،

from عالمی خبریں – ARYNews.tv | Urdu – Har Lamha Bakhabar https://ift.tt/9SqoGAO