برطانوی شہزادہ ولیم رسالے بیچنے لگے، ایسا کیا ہوا

لندن: برطانوی شہزادہ ولیم نے فلاحی ادارے کی خیراتی مہم کے لیے لندن کی سڑکوں پر رسالے بیچنا شروع کردیے۔

برطانوی ریٹائرڈ میٹ پولیس چیف میتھیو گارڈنر نے اپنے سوشل میڈیا اکاؤنٹ پر شہزادہ ولیم کی تصاویر شیئر کی ہیں، جس میں دیکھا جاسکتا ہے کہ شہزادہ ولیم بے گھر افراد کیلئے کام کرنے والی تنظیم دی بگ ایشو کی سرخ جیکٹ اور کیپ پہن کر رسالے فروخت کر رہے ہیں۔

انہوں نے تصاویر شیئر کرتے ہوئے لکھا کہ شہزادہ ولیم سرخ جیکٹ اور کیپ پہن کر ویسٹ منسٹر کے علاقے میں رسالے فروخت کر رہے تھے کہ ان کے بہنوئی نے شہزادہ ولیم کو پہچان لیا۔

رپورٹ کے مطابق رسالہ خریدنے کے لیے آنے والے ایک شہری نے کہا کہ اس کے پاس کھلے پیسے نہیں ہیں تو ولیم نے فوراً کارڈ مشین پیش کر دی۔

’’بِگ ایشو‘‘ نامی رسالہ بےگھر افراد کی مدد کرتا ہے، یہ ادارہ 1980ء سے اب تک ایک لاکھ 35 ہزار بےگھر افراد کو رہائش کی سہولتیں فراہم کرچکا ہے۔

ولیم اپنی والدہ کی طرح کئی تنظیموں اور سرگرمیوں کا حصہ ہیں جو بےگھر افراد کو مدد فراہم کرتی ہیں۔

from عالمی خبریں – ARYNews.tv | Urdu – Har Lamha Bakhabar https://ift.tt/akOISVq