کورونا وائرس کی ہلاکت خیزی، 10 جانیں لے گیا

اسلام آباد: کرونا وائرس کے مثبت کیسز میں تیزی سے اضافے کے بعد ہلاکتوں نے بھی سر اٹھالیا ہے۔

قومی ادارہ صحت (این آئی ایچ ) کے مطابق گزشتہ چوبیس گھنٹوں کے دوران کورونا سے متاثر مزید دس افراد انتقال کرگئے، جس کے باعث عالم وبا سے جاں بحق افراد کی تعداد 30388 ہوگئی ہے۔

این آئی ایچ کے مطابق گذشتہ چوبیس گھنٹوں کے دوران 22 ہزار 451 ٹیسٹ کئے گئے جن میں سے 737 کیسز مثبت آئے، چوبیس گھنٹوں میں کیسز مثبت آنے کی شرح تین اعشاریہ دو آٹھ فیصد رہی۔

یہ بھی پڑھیں: آسٹریلیا: سردی بڑھتے ہی لاکھوں شہریوں کو کرونا کا خطرہ

این آئی ایچ کی رپورٹ کے مطابق ملک بھر میں اس وقت کورونا کے 198 مریضوں کی حالت تشویشناک ہے۔

ادھر کورونا کی ممکنہ چھٹی لہر کی پیش نظر محکمہ صحت سندھ نے 60 سال سے زائد دیگر امراض میں مبتلا افراد کو بوسٹر ڈوز لگانے کے احکامات جاری کر دیئے ہیں۔

from پاکستان – ARYNews.tv | Urdu – Har Lamha Bakhabar https://ift.tt/NF4xV6R