صحافی عمران ریاض کی گرفتاری پر پی ٹی آئی رہنماؤں کا ردعمل

صحافی عمران ریاض خان کو اسلام آباد سے گرفتار کیے جانے کے بعد پاکستان تحریک انصاف کے رہنماؤں نے اپنے ردعمل کا اظہار کیا ہے۔

اے آر وائی نیوز سے گفتگو کرتے ہوئے شہباز گل نے کہا کہ صحافیوں کی گرفتاریاں شروع ہوگئی ہے جو تشویشناک صورتِ حال ہے، لگ نہیں رہا ملک میں جمہوریت ہے بلکہ اندھیر نگری چوپٹ راج ہے۔

”آج کل جو ہتھکنڈے اپنائے جا رہے ہیں آمریت میں بھی ایسا نہیں ہوتا، کسی کو بھی گرفتار کیا جاتا ہے اور گھروں میں گھس کر تشدد کیا جاتا ہے، عمران ریاض کے ساتھ جو کچھ کیا جا رہا ہے وہ توہین عدالت ہے“۔

سابق وفاقی وزیر اسد عمر نے ٹوئٹر کرتے ہوئے لکھا کہ عمران ریاض خان کی گرفتاری قابلِ مذمت ہے، رائے کے اظہار کا جواب دلیل سے دیا جاتا ہے نہ کے گرفتاری سے۔

عمران ریاض خان کی گرفتاری قابلِ مذمت ہے. رائے کے اظہار کا جواب دلیل سے دیا جاتا ہے گرفتاری سے نہیں.

— Asad Umar (@Asad_Umar) July 5, 2022

رہنما پی ٹی آئی فواد چوہدری نے ٹوئٹر پر لکھا کہ آج ہی پارٹی چیئرمین عمران خان نے پاکستان میں صحافیوں پر پابندیوں کے حوالے سے تفصیلی بات کی تھی اور کہا تھا کہ ملک میں فاشسٹ حکومت اپنے خلاف تنقیدی آوازوں کو دبانے کے لیے تیسرے درجے کے ہتھکنڈے استعمال کرے گی۔

فواد چوہدری نے کہا کہ عمران ریاض خان گرفتاری کی شدید مذمت کرتے ہیں، امید ہے کہ عدالتیں کھلیں گی اور انصاف ہوگا۔

آج ہی عمران خان نے پاکستان میں صحافیوں پر پابندیوں کے حوالے سے تفصیلی بات کی تھی اور کہا تھا کہ ملک میں فاشسٹ حکومت اپنے خلاف تنقیدی آوازوں کو دبانے کیلئے تیسرے درجے کے ہتھکنڈے استعمال کرے گی، عمران ریاض گرفتاری کی شدید مذمت کرتے ہیں امید ہے عدالتیں کھلیں گی اور انصاف ہو گا

— Ch Fawad Hussain (@fawadchaudhry) July 5, 2022

from پاکستان – ARYNews.tv | Urdu – Har Lamha Bakhabar https://ift.tt/QrFsYIx