ڈپٹی اسپیکر پنجاب اسمبلی کا اپنی سکیورٹی کیلیے چیف سیکرٹری کو خط

پنجاب اسمبلی کے ڈپٹی اسپیکر دوست مزاری نے جان کو لاحق خطرے کے پیشِ نظر چیف سیکرٹری کو سکیورٹی کے لیے خط لکھ دیا ہے۔

ڈپٹی اسپیکر صوبائی اسمبلی کے خط پر 22 جولائی کی تاریخ درج ہے۔ خط پہلے سے بنا کر رکھنے پر سوالات اٹھ گئے ہیں۔

وزیر اعلیٰ پنجاب کے لیے پاکستان تحریک انصاف اور مسلم لیگ (ق) کو واضح برتری حاصل ہے۔

دوست مزاری نے خط میں مؤقف اختیار کیا کہ پنجاب اسمبلی میں وزیر اعلیٰ کے انتخاب کے دوران سکیورٹی فورسز تعینات کی جائے، اسمبلی کی سیکیورٹی کے لیے خط عدلیہ کے حکم کی تعمیل میں ہے۔

انہوں نے لکھا کہ ایوان کی کارروائی کے دوران کچھ عناصر رکاوٹیں ڈال رہے ہیں، ایوان کی کارروائی اور مجھے ایوان کی کارروائی چلانے سے روکا جا رہا ہے، وزیراعلیٰ کے انتخاب کے عمل میں رکاوٹ ڈالی جا رہی ہے۔

خط کے مطابق ’ایوان میں پُر تشدد سرگرمیوں سے میری جان کو خطرہ ہے، ایوان کے اندر اور احاطے میں مطلوبہ فورسز کی تعیناتی کی درخواست کر رہا ہوں‘۔

from پاکستان – ARYNews.tv | Urdu – Har Lamha Bakhabar https://ift.tt/0lNj7dO