"عمران خان کو نااہل کرانے کی کوشش کرنے والے پچھتائیں گے”

راولپنڈی: عوامی مسلم لیگ کے سربراہ شیخ رشید نے ماہ اگست کو انتہائی اہم قرار دے دیا۔

تفصیلات کے مطابق سماجی رابطے کی ویب سائٹ ٹوئٹر پر جاری بیان میں شیخ رشید نے کہا کہ تیس اگست تک اہم وقت ہے، اگست میں سجنےوال اسیاسی دنگل ملکی اورعوامی مسائل میں اضافہ کرے گا۔

شیخ رشید نے اپنے ٹوئٹ میں کہا کہ سیاسی بےامنی مزید انتشاراورخلفشارپیدا کرےگی اس تناظر میں مستقبل کی ساری ذمہ داریاں عدلیہ کےکاندھوں پرآگئی ہے۔

عوامی مسلم لیگ کے سربراہ نے خبردار کیا کہ عمران خان اور اسکی پارٹی کونا اہل قراردینےکی کوشش کرنےوالےخود پچھتائیں گے۔

سیاسی بےامنی اور بدامنی مزید انتشار اور خلفشار پیدا کرے گی۔ عمران خان اور اسکی پارٹی کو نااہل قرار دینے کی کوشش کرنے والے خود پچھتائیں گے۔اگست میں سجنے والا سیاسی دنگل ملکی اور عوامی مسائل میں اضافہ کرے گا۔ مستقبل کی ساری ذمہداریاں عدلیہ کے کندھوں پر آگئی ہیں۔30اگست تک اہم وقت ہے

— Sheikh Rashid Ahmed (@ShkhRasheed) August 6, 2022

گزشتہ روز بھی سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں سابق وزیر داخلہ شیخ رشید نے لکھا تھا کہ حکومت عمران خان کو نااہل اور نواز شریف کو اہل کروانا چاہتی ہے۔

سابق وزیر داخلہ شیخ رشید نے لکھا کہ الیکشن کمیشن کے فیصلے میں جان نہیں، دنیا میں تیل،گندم اور کاٹن کی قیمت کم ہو گئی ہے لیکن حکومت کو عوام کے مسائل میں کوئی دلچسپی نہیں۔

انہوں نے مزید کہا کہ اقتدار کی بھوکی تیرہ جماعتوں کا جمعہ بازار لگا ہے جس کے باعث سیاسی انتشار اور خلفشار بڑھ رہا ہے۔

from پاکستان – ARYNews.tv | Urdu – Har Lamha Bakhabar https://ift.tt/yW4qwpN