نیوزی لینڈ کا نام تبدیل کرنے پر غور، نیا نام کیا ہوگا؟

آکلینڈ: نیوزی لینڈ کی عوام نے ملک کا نام تبدیل کرنے کا مطالبہ کردیا ہے۔

غیر ملکی میڈیا کے مطابق عوام کی جانب سے ایک پٹیشن جاری کی گئی ہے جس پر اب تک 70 ہزار سے زائد افراد دستخط کیے گئے ہیں، پٹیشن میں عوام کی جانب سے مطالبہ کیا جارہا ہے کہ نیوزی لینڈ کے ڈچ انگریزی نام کو تبدیل کرکے اس کا نام مقامی ماوری زبان میں Aotearoa رکھا جائے۔

دی ماوری پارٹی کی شریک رہنما ڈیبی نگاریوا پیکر نے ملک کے نام کی تبدیلی اور مقامی ثقافت سے جُڑے رہنے کی اہمیت پر زور دیتے ہوئے کہا ہے کہ لفظ آوٹیروا ان کی حقیقی شناخت کی عکاسی کرتا ہے کہ وہ کون تھے۔

انہوں نے کہا کہ ملک کا نام تبدیل کرنے کی پٹیشن پر 70 ہزار سے زائد لوگ دستخط کرچکے ہیں، جو ملک کی پارلیمنٹ کو باضابطہ طور پر اس تجویز پر غور کرنے پر مجبور کرنے کے لیے کافی ہے۔

from عالمی خبریں – ARYNews.tv | Urdu – Har Lamha Bakhabar https://ift.tt/qPZ0ilD