میخائل گورباچوف انتقال کر گئے

ماسکو: روسی صدر ولادیمیر پیوٹن گورباچوف کی آخری رسومات میں شرکت نہیں کریں گے۔

تفصیلات کے مطابق روسی صدارتی دفتر کریملن نے کہا ہے کہ صدر پیوٹن سابق سوویت صدر میخائل گورباچوف کی آخری رسومات میں شریک نہیں ہوں گے۔

کریملن کے ترجمان کے مطابق روسی صدر اپنے کام کے شیڈول کے باعث گورباچوف کی آخری رسومات میں نہیں جا سکیں گے۔

گزشتہ روز پیوٹن نے گورباچوف کے تابوت کے پاس سرخ گلاب رکھے تھے، اور کافی دیر ان کے تابوت کے پاس کھڑے رہے تھے، اور ان کی تصویر کو دیکھتے رہے۔

سابق سویت یونین کے آخری صدر میخائل گورباچوف کا گزشتہ روز ماسکو کے سینٹرل کلینیکل اسپتال میں 91 برس کی عمر میں انتقال ہوا ہے، وہ کافی عرصے سے علیل تھے۔

میخائل گورباچوف انتقال کر گئے

سابق سویت صدر گورباچوف کی آخری رسومات کل ادا کی جائیں گی، گورباچوف کو فوجی گارڈ آف آنر دیا جائے گا۔

میخائل گورباچوف سوویت یونین کے آخری صدر تھے، وہ سوویت یونین میں ریاست اور پارٹی کے اعلیٰ ترین عہدوں پر فائز رہے۔ گورباچوف نے سیاسی اصلاحات کے ذریعے سوویت ریاستوں کو آزادی دی، ان کی پالیسیوں کے باعث سوویت یونین میں سنسر شپ کا خاتمہ ہوا، انھوں نے سرد جنگ کو بھی خون بہائے بغیر ختم کیا۔

from عالمی خبریں – ARYNews.tv | Urdu – Har Lamha Bakhabar https://ift.tt/Pympiv8