پی ٹی آئی کا چیف الیکشن کمشنر کے خلاف سپریم جوڈیشل کونسل جانے کا فیصلہ

اسلام آباد : تحریک انصاف نے چیف الیکشن کمشنر کے خلاف سپریم جوڈیشل کونسل جانے کا فیصلہ کرلیا۔

تفصیلات کے مطابق پاکستان تحریک انصاف نے چیف الیکشن کمشنر کے خلاف سپریم جوڈیشل کونسل میں ریفرنس دائر کرنے کا فیصلہ کرلیا۔

ذرائع کا کہنا ہے کہ پی ٹی آئی چیف الیکشن کمشنر کے خلاف آج ریفرنس دائر کرے گی، ریفرنس پی ٹی آئی کے مرکزی رہنما افتخار درانی اورسینیٹراعجاز چوہدری کی جانب سے دائر کیا جائے گا۔

گذشتہ روز تحریک انصاف کے چیئرمین عمران خان نے اے آر وائی نیوز کے پروگرام دی رپورٹرز میں خصوصی انٹرویو دیتے ہوئے کہا تھا کہ سکندرسلطان راجہ بددیانت ہیں پھر بھی وہ اپنی نشست پربراجمان ہے۔

عمران خان کا کہنا تھا کہ سندھ کا الیکشن کمشنر الیکشن کمیشن سے بھی پیسے لیتا تھا اور سندھ حکومت سے بھی۔

انھوں نے مزید کہا تھا کہ تحریک انصاف موجودہ الیکشن کمیشن کے تحت بھی انتخابات میں حصہ لے گی، اس کے علاوہ کوئی آپشن نہیں۔

from پاکستان Archives - ARYNews.tv | Urdu - Har Lamha Bakhabar https://ift.tt/SK70kF9