ملک کے مختلف علاقوں کا موسم : بارش کی صورتحال

اسلام آباد : ملک کے بیشتر علاقوں میں موسم خشک جبکہ وسطی و جنوبی علاقوں میں گرم رہے گا، تاہم بالائی خیبر پختونخوا، گلگت بلتستان، پوٹھوہار، کشمیر اور اس سے ملحقہ علاقوں میں چند مقامات پر تیز ہواؤں اور گرج چمک کے ساتھ بارش کا امکان ہے۔

گذشتہ 24 گھنٹوں کے دوران ملک کے بیشتر علاقوں میں موسم گرم اور خشک رہا ہے جبکہ بالائی خیبر پختونخوا، خطہ ٔپوٹھوہار، کشمیر، گلگت بلتستان اور لسبیلہ میں تیز ہواؤں اور گرج چمک کے ساتھ بارش ہوئی۔

سب سے زیادہ بونیر میں 35 ملی میٹر، دیر زیریں22، مالم جبہ 9، سیدو شریف 8، کاکول 6، پٹن ،بالاکوٹ 4، چترال، میر کھنی ایک، راولپنڈی 30، اسلام آباد 21، مری 9، مظفرآباد 24، ل گڑھی دوپٹہ 15، کوٹلی 14، راولاکوٹ، بابوسر، بگروٹ 7، گلگت 2، چلاس ایک اور لسبیلہ میں 5 ملی میٹر بارش ریکارڈ کی گئی ہے۔

اتوار کو ریکارڈ کئے گئے زیادہ سے زیادہ درجہ حرارت کی رپورٹ کے مطابق سبی میں 42 اور بہاولنگر میں 39ڈگری سینٹی گریڈ ریکارڈ کیا گیا۔

from پاکستان Archives - ARYNews.tv | Urdu - Har Lamha Bakhabar https://ift.tt/OlbBEIG