امریکا میں مڈٹرم الیکشن کے لئے ووٹنگ آج ہوگی، ڈیموکریٹس اور ری پبلکنز میں سخت مقابلہ

واشنگٹن : امریکہ میں وسط مدتی انتخابات کے لئے ووٹنگ آج ہوگی، ڈیموکریٹس اور ریپبلکنز میں سخت مقابلہ متوقع ہے۔

تفصیلات کے مطابق امریکا میں مڈٹرم الیکشن آج ہوگا ، جس میں امریکی ایوان نمائندگان کی تمام اور سینیٹ کی ایک تہائی نشستوں پر انتخاب کے لئے پولنگ ہوگی، ڈیموکریٹس اور ریپبلکنز کانگریس میں اکثریت کیلئے کوشاں ہیں۔

ڈیموکریٹس نے اپنے حامیوں میں قبل ازوقت ووٹنگ کیلئے بڑی مہم چلائی، ری پبلکنز کی انتخابی مہم کی سابق صدرٹرمپ نے قیادت کی، کئی جلسے اور ریلیاں نکالی گئیں۔

صدربائیڈن کے ہمراہ سابق صدراوباما نےبھی ڈیمرکریٹس کی ریلیوں میں شرکت کیا۔

ٹرمپ کیخلاف متعدد تحقیقات کے باوجود ری پبلکنز عوامی سروے رپورٹس میں ڈیموکریٹس سے آگے ہیں۔

ڈیموکریٹس رہنما ڈاکٹر آصف ریاض قدیر نے ووٹرز پر زور دیا ہے کہ وہ ووٹنگ میں بڑھ چڑھ کرحصہ لیں۔

ری پبلکن رہنما ساجد تارڑ کا کہنا ہے کہ مہنگائی کے باعث لوگ ڈیموکریٹس کیخلاف ووٹ کاسٹ کریں گے۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/hADKl6G