نئے سال کے جشن میں گوگل بھی شامل، ڈوڈل تبدیل کردیا

سال 2023ء کا جشن منانے کے لیے دنیا بھر میں مقبول اور سب سے زیادہ استعمال کیے جانے والے سرچ انجن گوگل نے اپنا نیا ڈوڈل بنا کر دنیا کو نئے سال کی مبارکباد دی ہے۔

گوگل ہمیشہ اپنے ہوم پیج کو ہر تہوار کی نسبت سے نئے ڈوڈل کے ساتھ سجانے کی روایت جاری رکھے ہوئے ہے اور اس سال نئے سال کا استقبال کرنے کے لیے ایک نیا ڈیزائن پیش کیا گیا ہے۔

گوگل نے اپنے ڈوڈل میں پچھلے سال کو الوادع کہنے اور نئے سال کے استقبال کے حوالے سے روشنیوں پھل پھلجھڑیاں اور پٹاخے دکھائے ہیں۔ صارفین کی جانب سے گوگل کے اس نئے ڈوڈل کو بے حد سراہا جارہا ہے۔

اس حوالے سے گوگل ترجمان نے اپنے بیان میں کہا ہے کہ آج کا ڈوڈل نئے سال کا جشن منا رہا ہے، یہ 2022 کی یاد تازہ کرنے اور 2023 میں ایک نئی شروعات کا انتظار کرنے کا وقت ہے۔ چاہے آپ آتشبازی کر رہے ہوں یا اگلے سال کے لیے اہداف طے کر رہے ہوں۔

from عالمی خبریں Archives - ARYNews.tv | Urdu - Har Lamha Bakhabar https://ift.tt/E80zloJ