عمران خان کا قبل از وقت انتخابات کا مطالبہ، ن لیگ پریشان

اسلام آباد : مسلم لیگ ن نے عمران خان کی پیشکش پر کشمکش کا شکار ہے ، اتحادی جماعتوں نے اسمبلی تحلیل کرنے کی تجویز ماننے سے انکار کردیا ہے۔

تفصیلات کے مطابق پی‌ ٹی آئی عمران خان کے قبل از وقت انتخابات کے مطالبے پر ن لیگ پریشان ہے۔

ذرائع کا کہنا ہے کہ جے یو آئی اور اے این پی نے پی ٹی آئی سے مذاکرات کی مخالفت کردی ہے جبکہ بلوچستان عوامی پارٹی نے بھی اسمبلی تحلیل کرنے کی تجویز ماننے سے انکار کردیا ہے۔

پیپلزپارٹی نے ن لیگ کو جواب دیا ہے کہ سندھ اسمبلی قبل از وقت تحلیل نہیں ہوگی۔

خیال رہے وزیراعظم شہبازشریف نے عمران خان کی پیشکش پر اپنے اتحادیوں کو اعتماد میں لینے کا فیصلہ کرتے ہوئے وفاقی حکمران اتحاد اور پنجاب کی اپوزیشن نے انتظارکرو کی پالیسی پر عمل شروع کردیا۔

ذرائع کا کہنا تھا کہ پی ڈی ایم نے اپنا ردعمل عمران خان کے فیصلے تک موخر کردیا اور پنجاب حکومت کیخلاف عدم اعتماد کا فیصلہ عارضی طور پر موخر کیا۔

یاد رہے چیئرمین پی ٹی آئی عمران خان نے حکومت کو مشروط بات چیت کی پیشکش کرتے ہوئے کہا تھا کہ ہم ان کو موقع دے سکتے ہیں کہ ہمارے ساتھ بیٹھیں اوربات کریں یہ ہمارے ساتھ بیٹھ کر عام انتخابات کی تاریخ دیں یا پھر ہم اسمبلی تحلیل کردیں۔

عمران خان کا کہنا تھا کہ ہم نے تو بہت کوشش کی مگر یہ عام انتخابات کا نام نہیں لیتے،ان کو ڈر لگا ہے کہ عام انتخابات ہوئےتو انھوں نے ہار جانا ہے۔

from پاکستان Archives - ARYNews.tv | Urdu - Har Lamha Bakhabar https://ift.tt/jsP2Oy9